मूर्ती

[sanjay limbaji bansode]

मूर्तीत सारे दंग, जगी मूर्तीचाच रंग
कुणी मूर्तीच्या संग, कुणा मूर्तीचा पाबंद !!

मूर्तीसाठी शुद्ध, मूर्तीसाठी दूध
मूर्तीसाठी युद्ध, मूर्तीसाठी प्रतिबद्ध !!

मूर्तीला रोकडं, मूर्तीला बोकडं
खांद्यावर जोखडं, त्यात मूर्ती अवजडं !!

असता आवस, होती नवस
मूर्तीला नैवेद, रात दिवस !!

दगडाची मूर्ती, लोखंडाची मूर्ती
चांदीची मूर्ती, दिसे सोन्याची मूर्ती !!

मूर्तीला ac, मूर्तीला pc
मूर्तीची स्तुती, देती मूर्तीला देशी !!

मूर्तीचा भास, मूर्तीचा ध्यास
मूर्तीचा ठेकेदार, मोजी पैशाची रास !!

मूर्तीसाठी सुरक्षा, मूर्तीसाठी दीक्षा
मूर्तीची प्रतीक्षा, होई मूर्तीसाठी शिक्षा !!

मूर्तीच्याच पाया, मूर्तीचीच साया
मूर्तीचीच माया, जगी या !!

काय सांगू संजय, करी मूर्तीचाच जय
होई मूर्तीचाच विजय, लागे मूर्तीचेच भय !!


कवी - संजय बनसोडे
9819444028