-- प्रेमप्रतीक्षा --

[SHASHIKANT SHANDILE]

तुझ्या विरहात मी केले
जीवनाचे जेही भले बुरे
उशिरा जरी का न व्हावे
फळ मला नक्की मिळाले
आता न कसली अपेक्षा
पूर्ण झाली प्रेमप्रतीक्षा

हसण्यापेक्षा रडलो जास्त
जगण्यापेक्षा मेलो जास्त
आस त्या एका होकाराची
मनी नकाराची होती धास्त
जीवनाची जिंकलो परीक्षा
पूर्ण झाली प्रेमप्रतीक्षा

किती जळ विरह प्रेमाचे
अश्रूही सुकले डोळ्याचे
जगता विरहात जणू वाटे
कुण्या जन्माचे असे काटे
काट्यांना प्रेमरक्त पाजता
पूर्ण झाली प्रेमप्रतीक्षा

कालवरी जी एकटी होती
अशी हि माझी प्रेमकहाणी
जीवनाचे झाले आता सार्थक
प्रीत तुझी जी मला मिळाली
प्रेमात हरत असतांना ती
पूर्ण झाली प्रेमप्रतीक्षा

पूर्ण झाली प्रेमप्रतीक्षा

शशिकांत शांडीले (SD), नागपूर
भ्रमणध्वनी :- ९९७५९९५४५०