....."आयुष्य".....

[Sachin Mali]

आयुष्य

आयुष्य म्हणजे नेमके काय कधीच कळत नाही
जन्म आणि मृत्यु मधले नातं सहज उमजत नाही

आयुष्य नावाच्या पानावर बरंच काही लिहायचे असते
स्वतःसाठी जगलो तर ते पान नेहमी कोरेच राहते

दुसऱ्यांसाठी आयुष्य जगणाऱ्या लोकांना एक जन्म कमी पडतो
आयुष्य जगावे कसे हे त्यांच्याकडे पाहून अर्थ कळतो

आयुष्यावर बोलायला मी कोणी संत नाही
देशासाठी आयुष्य वेचणाऱ्या लोकांना कसलीच खंत नाही

आई वडील कधीच स्वतःचे आयुष्य स्वतःसाठी जगत नाही
म्हणून म्हणतात देवाला सुद्धा त्यांची सर येत नाही

काही लोक खूप लवकर आयुष्याला कंटाळतात
आणि काही लोक संकटाना डोळ्यात डोळे घालून उत्तर देतात

मरून जर सगळ्या प्रश्नांचे उत्तरं मिळाले असते
तर आयुष्यावर या जगण्यावर कोणीच प्रेम केले नसते

उद्याच्या जगण्यासाठी आज का मरावे
आत्ता या क्षणात आयुष्य आहे हे का नाही कळावे
आत्ता या क्षणात आयुष्य आहे हे का नाही कळावे


सचिन माळी
Ph: 9764987912
Email: - sachin7mali@gmail.com
Read My Other Poems On :- ''http://malisachin.blogspot.in/"
https://malisachin.wordpress.com/