आठवणींची फुले...!

[Archana...!]

अल्लड मी... अवखळ मी...होते स्वत:च्याच धुंदीत मी...
ज्याची नव्हती जाण मला...
अशा प्रेमाच्या जगात घेऊन गेलास तू...
आठवणींची फुले माझ्या ओंजळीत देऊन गेलास तू...!

गंध त्या फुलांचा आता नेहमीच दरवळत असतो...
सगळं असतं सोबत, तू कुठेच नसतोस...
नकळतच पण माझा श्वास होऊन गेलास तू...
आठवणींची फुले माझ्या ओंजळीत देऊन गेलास तू...!

पायवाट ती नेहमीची चालत असते मी एकटीच...
साथ असते माझ्या सावलीची... तीही सूर्य मावळण्या पुरतीच...
भास तुझ्या सहवासाचे मला देऊन गेलास तू...
आठवणींची फुले माझ्या ओंजळीत देऊन गेलास तू...!

गुपित या नात्याचे न कळू दिले मी कुणास...
जपून ठेवलयं ते प्रेम, माझ्या मनाच्या कोंदणात...
कधीही न उलगडणारे एक रहस्य होऊन गेलास तू...
आठवणींची फुले माझ्या ओंजळीत देऊन गेलास तू...!

डोळ्यांतून बरसणारा आसवांचा पाऊस... कशी मी आवरू...
दूरावतो आहेस तू प्रत्येक क्षणाला...
सांग ना, त्या क्षणांना कशी मी सावरू...
एकांतात ओघळणारा अश्रू होऊन गेलास तू...
आठवणींची फुले माझ्या ओंजळीत देऊन गेलास तू...!

चंद्र तो नभीचा, कधी भेटतो जेव्हा मला...
येते का रे त्याला आठवण माझी, की विसरला, विचारते मी त्याला...
अनुत्तरीत चंद्रही, जणू त्यालाही तुझ्यात सामिल करून गेलास तू...
आठवणींची फुले ओंजळीत माझ्या देऊन गेलास तू...!

स्वप्नांच्या जगात रमणारी मी... स्वप्नातच जगणारी मी...
परीकथेतील राजकुमाराची स्वप्न पाहणारी मी...
स्वप्नातील त्या राजकुमाराचा चेहरा होऊन गेलास तू...
आठवणींची फुले मात्र माझ्या ओंजळीत देऊन गेलास तू...!


अर्चना...!

[lakshmiG]

khup sundar archana ji!!!    

[Archana...!]

Thank You!
Pan mala Archanaji... naka mhanu, mi kay evdhi mothi nahiye....

[महेश रा. केसरकर]

Very nice archu..

[Archana...!]

Thank you sir.. 😃

[महेश रा. केसरकर]

Sir
Mi pan evdha motha nahiye..

[Rajeshreekamble]

Khup chan Archana.. Hi kavita vachtana vatat hot ke je mala bolaych ahe tech me vachat ahe... manatlya bhavnana chan shabdat utravla ahes... khuup chaan... me ashach fulana japun thevlay.. I strongly relate to this..

[Archana...!]

Thank you...Rajeshree..! 

[मिलिंद कुंभारे]

कधीही न उलगडणारे एक रहस्य होऊन गेलास तू...

क्या बात .....अर्चनाजी मस्तच .....

[Archana...!]

Thank You..