माझ्या भीमाचीlलेखणी

[sanjay limbaji bansode]

होती ईमानी नव्हती बेईमानी
भरली साऱ्याच्या मनी
मर्दानी होती मर्दानी
माझ्या भीमाची लेखणी !!

होती शिवबाची तलवार
होती जोतिबाची वारसदार
आली मैदानी आली मैदानी
दुश्मना मारिले रणी  !
मर्दानी होती मर्दानी
माझ्या भीमाची लेखणी !!

मुक्या मुखात आले बोलं
कळले साऱ्याला तिचे मोलं
होती दुश्मन किती दुश्मन
लीन झाले तिच्या चरणी !
मर्दानी होती मर्दानी
माझ्या भीमाची लेखणी !!

बदलला महाराचा तिने वेष
घटनेने तारीला भारत देश
झालो माणूस मी माणूस
जेंव्हा आली ती माझ्या जीवनी !
मर्दानी होती मर्दानी
माझ्या भीमाची लेखणी !!


जय भीम
कवी - संजय बनसोडे
9819444028