धुंद होते शब्द सारे

[rajeshreekamble]

धुंद होते शब्द सारे, धुंद होत्या भावना
वार्‍यासंगे वाहता, त्या फुलापाशी थांब ना
सइ ये, रमुनी सार्‍या या जगात रिक्‍त भाव असे परि
कैसे गुंफु गीत हे ?
धुंद होते शब्द सारे !

मेघ दाटून गंध लहरुनि बरसला मल्हार हा
चांदराती भाव गुंतुनी बहरला निशिगंध हा
का कळेना काय झाले, भास की आभास सारे
जीवनाचा गंध हा, विश्रांत हा, शांत हा !

धुंद होते शब्द सारे, धुंद होते भाव सारे
सइ ये, रमुनी सार्‍या या जगात रिक्‍त भाव असे परि
कैसे गुंफु गीत हे ?
धुंद होते शब्द सारे !


गीत   -   कौस्तुभ सावरकर
संगीत   -   अमार्त्य राहूत
स्वर   -   रवींद्र बिजूर
चित्रपट   -   उत्तरायण