हरीत वसुंधरा

[शिवाजी सांगळे]

!! हरीत वसुंधरा !!

वादळा रे तू असा कसा ?
नेलास मोडुनी डाव सारा !
निवारा पक्षांचा, तू पाडला
वाटसरूंचा सावली सहारा !!

छेडले आधी आम्हीच निसर्गा 
देवुनी पोकळ प्रगतीचा नारा !
केले कत्तल झाडांना रस्त्यां
वाढवुनी रूदीकरणाचा पसारा !!

पेरायची बीजे नवी कोणती
ठरविण्या जातो वेळ सारा !
बिघडुनी सारा तोल सृष्टीचा
उरतो मानव दीन बिचारा !!

एक रोप रूजवुनी घ्यावे
पुण्य थोडे जगता संसारा !
अनंत रूपे आशिर्वाद देता
बहरेल ही हरीत वसुंधरा !!

© शिवाजी सांगळे

[Chandrakant K Nikade]

I like Marathi kav :lamp:ita

[Chandrakant K Nikade]

😄 😄 😄 😄 😄 😄 😄 😄 😄

[शिवाजी सांगळे]

धन्यवाद चंद्रकांतजी 🙏