केव्हा तरी व्हावे असे...

[Archana...!]

केव्हा तरी व्हावे असे...
ओढ लागावी तुलाही माझी,
आस जागावी पुन्हा भेटीची,
तगमग ही जीवाची जाणवावी तुलाही......केव्हा तरी..!!

केव्हा तरी व्हावे असे...
न यावी निज तुलाही,
आठवांसवेत माझ्या,
घेऊनी चांदण्या कुशित,
रात तुही जागवावी........केव्हा तरी...!!

केव्हा तरी व्हावे असे...
पापणी भिजावी तुझीही,
ओघळणार्या आसवांत
प्रीत माझी भिजावी
त्या आसवांचे मोती तुही झेलावे........केव्हा तरी...!!

केव्हा तरी व्हावे असे...
भेट तुझी नी माझी घडावी,
दुभंगलेली ती पायवाट पुन्हा एक व्हावी,
विसावून मग तुझ्या मिठीत,
मी ही दुनिया सारी विसरावी.....केव्हा तरी...!!

केव्हा तरी वाटे असे...
गीत व्हावे मी ही कधी
तुझ्या ओठांचे,
एकांती क्षणी कधी जे,
तु ही गुणगुणावे...... केव्हा तरी...!!

केव्हा तरी येते मनी...
गंध प्रेमाचा पुन्हा दरवळावा,
नव्याने पुन्हा हात हाती तुझ्या द्यावा,
ऋतु प्रेमाचा तो पुन्हा बहरावा....केव्हा तरी...!!


अर्चना...!
(तुझ्या कडून मिळालेले, प्रेमाचे क्षण आयुष्यभर
जपेन मी)

[Sanju.....]

तुझ्या कडून मिळालेले, प्रेमाचे क्षण आयुष्यभर
जपेन मी.......सुंदर

[Prem Mandale]

केव्हा तरी व्हावे असे...
भेट तुझी नी माझी घडावी,
दुभंगलेली ती पायवाट पुन्हा एक व्हावी,
विसावून मग तुझ्या मिठीत,
मी ही दुनिया सारी विसरावी.....केव्हा तरी...!!   
।
। खुप छान