मितवा-1

[pilu patil]

       
              मितवा' असा एक शब्द  ज्यामध्ये मित्र प्रेमी आणि नवरा यांचा अर्थ दिसून येतो म्हणुन माझ्या या लेखाचा नाव या तीन शब्दांचा अर्थ  मिळून असा एक शब्द मितवा.   


               प्रत्येक नवरा बायकोमध्ये असावा असंच सुंदर नात आमच्या दोघांचे आणि आमच्या एकमेकांवरील प्रेमाचे . प्रेम म्हणजे काय ?   आपल्या  पायात काटा रुतला असून  जोडीदाराचे अश्रू पुसण्याची भावना म्हणजे प्रेम . प्रेम हे समुद्रासारखे असायला हवे अथांग जे कधीच कमी न होणारे आणि  न कधी वाहून जाणारे निस्वार्थी असायला हवे ,प्रेम म्हणजे दोन मनाचा मिलन ,जिव्हाळा, विश्वास  असतो .प्रेम म्हणजे मीरेने कृष्णावर केलेले निस्वार्थी.  प्रेमाशिवाय जगणं म्हणजे क्षणाक्षणाला मरण होय  . प्रेमाला भाषा नसते न काही बोलता  सार काही बोलून जाते  .खरंच प्रेमाबद्दल किती बोलणार शब्दच कमी आहेत प्रेम हे सौंदर्यावर करायचे नसते  तर ते त्या व्यक्तीच्या गुणावर करायचे असते.  हल्लीच्या काळात प्रेम एक time pass झाला आहे. आज हा तर उद्या तो त्यामुळे एकमेकांवर विश्वास नाही. आताच्या युगात  प्रेमाची संकल्पना बदलली आहे . आज मी प्रेमाची व्याख्या अगदी छान शब्दांत मांडते हे त्यांनी केलेल्या प्रेमामुळेच .


                 माझी आणि त्यांच्या प्रेमाची कहाणी सुद्धा काही अशीच आहे आम्ही दोघे एकमेकांवर निस्वार्थी प्रेम करतो तसे ते खूप समजूतदार ,  हुशार स्मार्ट,प्रेमळ ,मेहनती ,विचारपूर्वक निर्णय घेणारे ,योग्य मार्गदर्शक ज्यांनी माझ्या प्रत्येक निर्णयात योग्य मार्गदर्शन व खंबीरपणे साथ दिली . त्यांचे
कुटुंबाप्रती आदर ,मान - सन्मान ,कर्तव्य अगदी चोखपणे निभावतात आणि पुढे ही छान निभावतील. प्रत्येक स्त्रीला ज्या अपेक्षा असतात आपल्या साथीदाराबद्दल तसाच एक जीवाला जीव देणारा ,माझ्या सुखदुखात साथ देणारा ,प्रत्येक अडचणीवर मात करणारा ,चुकत असले कि समंजसपणे समजून सांगणारा ,माझी काळजी करणारा व घेणारा ,मित्रासारखा सावरणारा ,प्रियकरासारखा प्रेम करणारा व चुकीचे वागताना हक्काने ओरडणारा माझा नवरा खऱ्या अर्थाने माझा मितवा म्हणून त्यांच्यासाठी एवढे लिहिण्याचे धाडस करते .

                                                             माझं जीवन आहात तुम्ही '
                                                      माझ्या जीवनाची निवड आहात तुम्ही '
                                                      पहाटे पडलेले गोड स्वप्नं आहात  तुम्ही
                                                      तुम्हाला कधीच विसरू शकणार नाही
                                                      कारण माझ्या जीवनातील मितवा आहात तुम्ही.

                         ते माझ्या जीवनात आले आणि माझं जीवन च बदलून गेलं मलाच काय कोणालाही अभिमान वाटेल असेच आहेत ते .आम्ही कितीही लांब असलो तरी आमची मने कधीच लांब गेली नाही ते माझ्या सोबत नसले तरी प्रत्येक क्षणी माझ्या सोबत असतात म्हणजे मी एकटी असते तेव्हा माझ्या आठवणीत, मी ऐकणाऱ्या प्रत्येक गाण्यात आणि माझ्या कवितेतील शब्दांच्या अर्थात फक्त तेच असतात . आम्ही दोघे एकमेकांपासून दूर आहोत म्हणून आमच्या मध्ये एवढे प्रेम आहे कि खूप प्रेम आहे म्हणून आम्ही एकमेकांपासून दूर आहोत हेच कळत नाही . ज्याप्रकारे तापलेल्या मातीला प्रतीक्षा असते श्रावणाची ,तहानलेल्या पाखरांना प्रतीक्षा असते जशी  मृगसरीची त्याचप्रमाणे माझ्या जीवनात प्रतीक्षा राहील फक्त त्यांचीच अगदी शेवटच्या
श्वासापर्यंत ............ 
                                                       एक क्षण तुम्हाला पाहण्यासाठी
                                                       किती वाट पाहते मी 
                                                       प्रतीक्षे मधे अधीर होतात डोळे
                                                       वाहते अश्रुधारा समवेत
                                                       अंतर मधले तेच राहिले
                                                       वाट पाहीन मी अजून तुझी
                                                       सांग कशी ही ओढ माझ्या अंतरीची


                              पण ते माझ्यापासून दूर राहतात तर मी त्यांच्यावर नाराज या दुखी नाही उलट माझे त्यांच्याप्रती प्रेम अधिक वाढते कारण मला माहित आहे त्यांना ही माझ्यासारखेच वाटत असेल तेही तेवढेच दुखी असतील पण सगळे दुख सहन करून ते त्यांचे कर्तव्य करतात आणि त्यांना नेहमी आंनदात व सुखी ठेवणे हे माझे कर्तव्य आहे आणि तेच मी शेवटपर्यंत निभावण्याचा प्रयत्न करेन .

                                                                                         -PILU NI3 PATIL