वेदना

[Adityaajadhav]

तुझी ती विभूती होती
माझ्या बापाच्या हाडाची...
तू फूंकलास,झिंगलास;
उतरुनी रे पाण्यात
मदमस्त की न्हालास;

                              चिंता,ना घोर काय तुला
                              नको तिथे भटकलास;
                              पाण्यापायी वणवण,कधी
                              बळीराजास पाहिलास ?

भला मिळतो शामियाना
मिळतो भला रे गार एसी;
तुझ्याच दिमतीला आता
मंत्र्याची ख्यालीखुशाली;

                               हास बाबा आता,भारी
                               सरंजाम तुझ्या नशिबाला;
                               भुक्कड़ साला शेतकरी
                               मोताद,चारा छावणीला;

हलकट यांच्या कर्माला
देवाचीही झाली मंजूरी;
पहा वरुनी गटारात,नग्न
वळवळ अळ्या उड्या मारी;

                                पहा डोळेभरुनी दिव्य सोह्ळा
                                चिलीम,अन निरोध वाटपाचा;
                                उद्या पेपरात फोटो भला मोठा
                                 चिलीम ओढ़त्या नग्न साधुंचा;

                 @आदित्य अ. जाधव,(नागुरकर)
                           ०९४०४४००००४,
                         दि,१७-०७-२०१५;पुणे;
                           वेळ-११:५९ मि,रात्री;