मरण्याआधी इथे एकदा...!

[Rajesh khakre]

जगण्यासाठी जीवनाशी धडपड करत असतो
मरण्याआधी इथे एकदा जगून घ्यावे म्हणतो

कितिक मिळाले जीवाचे जिवलग ऋण मनी स्मरतो
जीवनात आंनद भरीला शीर तयांपुढे झुकवतो
भाग्यवान मी किती मजला मिळाली असले नाते
मरण्याआधी इथे एकदा जगून घ्यावे म्हणतो

जगण्याचा आंनद खरा ती संकटे मजला देती
कोण माझा अन परका जाणीव तयाची होती
संकटाना त्या माझे एकदा मित्र बनवू म्हणतो
मरण्याआधी इथे एकदा जगून घ्यावे म्हणतो

या जगाची रीत जरी ही असली काहीशी वेगळी
करु म्हणतो तीवरच प्रित जरी असे ती आगळी
श्वास तुटण्याआधी गाणे गाऊन घ्यावे म्हणतो
मरण्याआधी इथे एकदा जगून घ्यावे म्हणतो

किती मानावे आभार तुमचे ऊर हा भरुन येतो
पाणावती ही इवले डोळे अश्रु गळून जातो
एकदा तुमच्या पायावरती हे माथे टेकावे म्हणतो
मरण्याआधी इथे एकदा जगून घ्यावे म्हणतो
--- राजेश खाकरे
Mo.7875438494
rajesh.khakre@gmail.com