कालप्रवाह

[sachinikam]

कालप्रवाह

काळाचा प्रवाह धावतो संतत
ना ठाऊक उगम नाही अंत
नक्षत्रांच्या नक्षीने नटला आसमंत
तेव्हापासून आतापर्यंत प्रवाहे शाश्वत

देह ही नौका आत्मा नाविक
गाठाया पैलतीर अडथळे कित्येक
हरिनामाचा वल्हा वल्हव संतत
होईल प्रवास पुढचा सुखवंत

पहा जन विषये गुंतविती मन
विसरले अंतरीचे चैतन्य चिरंतन
मिरविती देह मिथ्य शोभिवंत
सत्य हे उघड आहे नाशवंत

ना थांबला कुणासाठी
ना धावला कुणापाठी
राजा असो वा रंक
एकच न्याय सर्वांसाठी

माझे कर्म माझे दैव
माझे संचित होई खंत
न डगमगला न ढळला प्रसंगी
तोचि साधुसंत तोचि साधुसंत.
-----------------------------------------
कवी : सचिन निकम
कवितासंग्रह : मुखदर्पण
पुणे
९८९००१६८२५
sachinikam@gmail.com
https://www.facebook.com/Mukhdarpan/photos/pb.134789130036466.-2207520000.1438930200./134790130036366/?type=1&theater