का तरीही ..!

[Lyrics Swapnil Chatge]

कोमजले आहे सारे आता माहित असूनही ;
का मी पुन्हा फुलामध्ये गंध शोधतो आहे !

लावूनी पंख फुलपाखराचे इवलसे जरासे ;
का मी पुन्हा तुझेच पाऊलखूणा शोधतो आहे !

विरले आहे सारे आता माहित असूनही ;
का मी पुन्हा पापण्यात स्वप्न रंगवित आहे !

घेवूनी थोडे रंग उसणे नभातले इंद्रधनूकडून ;
का मी पुन्हा स्वप्नात तुलाच रंगवित आहे !

गुरफटले आहे आता सारे माहित असूनही ;
का मी पुन्हा ओठावर तुझे नाव गुणगुणतो आहे !

अडखळलेले शब्द सारे अबोल ओठातले फुलवून ;
का मी पुन्हा काव्याचा लाटावरुन उधळीत आहे !

...... स्वप्नील (अबोल मी )