तृषार्त चातक

[sachinikam]

तृषार्त चातक

चिरडली भूई आकाश फाटले
उन्हाच्या झळयांनी शिवार पेटले

शुष्क कंठात प्राण दाटले
शोकसागरातील अश्रू आटले

वावटळ गेली उडवून धूळ
अवकळा आली कुठून पांगूळ

नभी नजर चातकाची लागली समाधी
तृषापुर्ती पुरते मिळेल का पाणी ?

करड्या रंगांचा थवा उडाला उडाला
कोरड्या चोचीत नाही थेंबही पडला

बरसुदे आता सर बरसुदे सर
भारावला भाता विनवितो आर्त स्वर

करी कृपा देवा बरसुदे जल जल
अमृताहूनही गोड लागी उदकाचे बोल.

कवितासंग्रह : मुखदर्पण
कवी : सचिन निकम
पुणे
९८९००१६८२५
sachinikam@gmail.com