गुरु

[smadye]

     गुरु

गुरु हा असतो कसा
असे तो स्वच्छ आरिसा
जसा लोखंडासी परिसा
किवा मलिन मनास उजळणारा सुवासा

गुरु म्हणजे मृदुल काया
आपणास घडविण्यास धडपडणारी काया
कधी कठीण होऊनी दगडाचाहि घडविते भक्कम पाया
कधी प्रेमाची उधळण करणारी ती माया

स्वच्छ आणि निरपेक्ष असा त्याचा स्वभाव
मार्ग दाखवुनी अलिप्त राहणे हा त्याचा भाव
संकटात घेते आत्मियतेने धाव
कळकळ उद्धारण्याची हे एकच त्यास ठाव

असा गुरूचा महिमा काय तो मी वर्णावा
शब्द जिथे पडतात थिटे कसा असेल वाणीला ओलावा
तरी मनापासून आभार माझ्या देवाला
असा एक गुरु मजसी गवसला

                  सौ सुप्रिया समीर मडये