==* भृणहत्या *==

[SHASHIKANT SHANDILE]

जन्म घेऊ द्याना तीला
का बरं असं करता
नाजुकश्या या कळीला
का कोमेजुन मारता

हसु द्याना खेळू द्याना
तिलापण जगु द्याना
सुंदर अशी धरती
तिलापण बघू द्याना

नाव करेल जगात
मान वाकणार नाही
अहो लक्ष्मीचं रूप ते
ती सतावणार नाही

जोपासून सारी स्वप्न
सांभाळून जगेल ती
अहो तुमच्या घराला
घरपण देईल ती

मुलगा हवा म्हणून
मुलींना का मारायचे
भ्रुणहत्या करुन हे
जीवन संपवायचे

जागे व्हा रे शहाण्यांनो
कुठल्या युगी जगता
निसर्गाचे नियम हे
कशाला तरी तोड़ता

नरनारी दोन्ही हवे
आनंदी संसारासाठी
घरातच स्वर्गलोक
घडवूया दोघांसाठी

सांगा मला खरं सांगा
भ्रूणहत्या का करता
मुलगा आणि मुलगी
असा का भेद करता

शशिकांत शांडीले (SD), नागपूर
भ्रमणध्वनि:-9975995450
दि.06/09/2015