विसरलास का रे बाळा?

[Ravi Padekar]

विसरलास का रे बाळा?
का पुन्हा सांगावयास लागे
थेंब थेंब साठवून पाणी
तुला दुष्काळामध्ये मी पाजे...

आठवतय का रे बाळा?
तुला शाळेत मी पाठवे
आसवे डोळ्यातले पुसत,
माघारी माझ्यासाठी तू धावे...

लक्षात आहे का रे बाळा?
देई पोळी लाऊन तुपाशी
एकदा आठवून सांग,
कधी ठेवलय उपाशी...

कशाला करतोस असं बाळा
तुला काहीच कसे न आठवे
काय पडले ते कमी,
की तू मला वृद्धा-श्रमात पाठवे...

आई चूक माझ्याकडून घडे
का विसर मला पडे,
माफ आई कर मला
पाणी डोळ्यातुनी दाटे...

आले डोळ्यापुढे माझ्या
फक्त वेडेपणाचे धुके
नाही पाठवणार मी तुला
आता शहाणपण मला सुचे...!!
         
                                       
                                                         कवि:- रवी सुदाम पाडेकर
                                                                  घाटकोपर, मुंबई
                                                                  मो.- ८४५४८४३०३४