परतीचा पाऊस...

[शिवाजी सांगळे]

परतीचा पाऊस...

खरा तर मी भाद्रपदातला
कुणी म्हणे मला परतीचा,
गडगडाटाने मुद्दाम आलो
ठेउन मान तुमच्या प्रेमाचा !

मधल्या काळात रूसलो
आभाळातच लपुन बसलो,
चिडले सगळेच माझ्यावर
म्हणुन जाता जाता बरसलो !

पाहुन हिरवी चादर भुईवर
मन कस मग भरून येतं,
तोडू नका हो झाडं तुम्ही
मग मलाही बरसावं वाटतं !

दयाल वचन मला तुम्ही
वसुंधरा ठेवणार हिरवीगार?
ठेवुन लोभ तुम्हावर असाच
पुढल्या वर्षी परत येणार !

चार महिने पुरे झालेत
तुमच्याकडे गावी येउन,
रामराम स्विकारा माझा
चाललो मी परत निघुन!

© शिवाजी सांगळे

[yadav dhone]

खुपच छान परतीचा पाऊस...योग्य वेळी कविता वाचणात आली.त्यामुळे कविता खुपच आवडली.

[शिवाजी सांगळे]

तत्परने प्रतिक्रिया दिल्याबद्दल मनस्वी आभार यादव ढोणेजी...