पैसे खाणारे

[विक्रांत]

लोक का पैसे खातात
पाणी गटार पितात 
मारूनी सारे आवाज   
घाणी पोट भरतात

मानती देह सुखास
मोजती सुख पैशात   
खेळ चार दशकाचा
पाप विकत घेतात

घेणे सारे देणे आहे
ऐश्या बोला हसतात 
अन विषारी फुलांनी
घर सारे भरतात     

फडफडाट नोटांचा
धुंदी आणतो मनात   
पाप भरते प्रारब्धी 
त्या नाही ते म्हणतात

साप डसता का कुणी
लगेच असे मरतात
घटिका काही जातात
मग प्राण ये कंठात

धन सारे कुबेराचे
चूक नसे हिशोबात
पै पै फेडणे पुढती
का नच ध्यानी घेतात 

विक्रांत प्रभाकर
http://kavitesathikavita.blogspot.in/