nvin aakash

[sulabhasabnis@gmail.com]

     नवीन आकाश
भरून आलेले आभाळ तेच आहे अजून
पाऊस पाडून मोकळे होणे तसेच अजून
मेघमालेचे गडगडणेअजून तसेच आहे
धरतीचे आसुसणे पण तसेच तर आहे
उष:कालचे आकाश अजून उजळते आहे
सांजरंगांचे गारूडही मोह घालतेच आहे
हिरवी हिरवी राई अजूनही तरारलेली
वृक्षवेली फुलाफळांनी तशीच बहरलेली
खट्याळ वाराही तसाच वाहतो अजून
पुष्पगंधही पसरवतो दिशांदिशांतून
तोच चंद्र तेच तारे तोच गंध तेच वारे
फुलपाखरे तीच अन् पक्षी गोड गाणारे

मग मीच का अशी बदललेली-----
काहीतरी हरवलयाचा भास आहे
ते गवसण्यासाठीची आस आहे
उरी दरवळणारा गंधकोश आहे
तरीही घुसमटणारा श्वास आहे
जिवाचे थकले पाखरू भरकटते आहे
तरीही नवीन आकाश शोधतेच आहे
            -------------

[suraj choudhari]

tumchi kavita khupch zakkas aahe.......!

[sulabha sabnis]

thank you suraj.

[sulabha sabnis]

thank you Suraj.