हे ही प्रेम?

[madhura]

पावसाळ्यात तात्पुरते
वाहणारे ओहोळ
स्वतःच नदी असण्याची
प्रौढी मिरवणारे
आणि त्यांचे अदृश्य किनारे
त्यांच्या महान असण्याचा
साक्षात्कारी दंभ
उन्मत खिजवत फिरणारे


तसंच असतं की काय
कुणाच कुणावर प्रेम
उथळ क्षणीक तरी
जन्मांतरीचं भासणारं ?


एकमेकांच्या ' खास' असणारऱ्या
नात्यांचे सारे परीघ स्पर्शूनही
गवताच्या काडीचही ओझं होऊन
कोसळून पडणारं


उठलेला एखादा तरंग
भावनातिरेकाचा शहरा
सुखदुःखाचा अश्रू
असे अल्पायुषी सुखद काही
हे ही प्रेम?


भावनांचं जाळं विणून
कडे कापऱ्यानां टक्कर देत
जिवाशिवाची गुंतागुंत
जगण्याच्या अंतापर्यंत नेणं
हे ही प्रेम?


- माधुरी गयावळ