==* माझी माती *==

[SHASHIKANT SHANDILE]

भिजलेली फुललेली पिकाया सज्ज माती
खाऊ घालणारी पाळणारी माझी माती

कसे फेडू मोल हिचे हीच जीवनदाती
मरत्या क्षणी सावरणारी माझी माती

करून आत्महत्या का अपमान करू तिचा
पडत्या काळी धीर देणारी माझी माती

ती बनली माझी आई मी तिच्या घरचा दिवा
पुसले डोळ्याचे पाणी ती माझी माती

घात करे बळीराजा देत दुष्काळ ओला सुखा
रडता पाणी ओले झाडाला माझी माती

हिची व्यथा कोण जाणे जिथे अति तिथे माती
माणसांच्या अतिमुळेच रुसली माझी माती

माणसांच्या अतिमुळेच रुसली माझी माती

------------ ***** ----------------
शशिकांत शांडीले (SD), नागपूर
भ्रमणध्वनी - ९९७५९९५४५०
दि. १९ / ११ / २०१५