बांडगुळे

[विक्रांत]

ते इथले नव्हते कधीच
आणि असणार नाहीत
बांडगुळेच वृक्षावरची   
कधी वृक्ष होणार नाहीत

ते शोषतील रस इथला
नि फुलतील बहरतील
मारतील वृक्ष सारा पण
धन्यवाद देणार नाहीत

रूप त्यांचे गंध त्यांचा अहा
असे किती किती अलौकिक
चोरीचीच सारी मिळकत
कबुल करणार नाहीत

आणि पुन्हा फडफडूनी
वाढ होत नाही म्हणुनी
शोक त्यांचा रानावनातील 
कधी कधी थांबणार नाही

विक्रांत प्रभाकर
http://kavitesathikavita.blogspot.in/