==* सांग प्रिये *==

[SHASHIKANT SHANDILE]

सांग प्रिये
सांग प्रिये तुझ्या कपाळी हे कुंकु कुणाचं
तू तर माझं प्रेम मग मंगळसूत्र कुणाचं
आठवणीचे सरून दिवस काळोख्या राती
विरहाच्या दारी दोघांमधुनी पाय कुणाचं

सांग प्रिये
सांग प्रिये तू दुरावली ते दोष कुणाचं
नशिबी आल्या भाग्यावर जोर कुणाचं
जानवले ना कधी तुला गं भाव मनाचे
संगतीने बघितलेलं मग स्वप्न कुणाचं

सांग प्रिये
सांग प्रिये माझ्यासंगी हसणं कुणाचं
आठवणीत माझं चिडणं ते राग कुणाचं
सरता सरले दिवस कसे गेले संगतीचेे
रोजचं आता तुझ्याविना मरणं कुणाचं

रोजचं आता तुझ्याविना मरणं कुणाचं
-------------------------
शशिकांत शांडीले (SD), नागपूर
भ्र . ९९७५९९५४५०
दि . २५/१२/२०१५