==* माणूस *==

[SHASHIKANT SHANDILE]

कोण जाणतं कुणाचं दुःख
दाखवाया दाखवल्या जातं
मरत्याला वाचवलं कधीना
देखाव्याचं ओरडल्या जातं

झाला स्वार्थी हरेक माणूस
स्वार्थ मनी साठवल्या जातं
याचं त्याचं कुणी कुणाचं
वाईटपणा उखरल्या जातं

बोली लावण्या करा तयारी
माणूसपणहि विकल्या जातं
बाहेरच्यांची गरज कशाला
आपलं रक्त नासवल्या जातं

तो वैरी कि मीच वैरी माझा
विश्वास का उठवल्या जातं
ठाव ठिकाण काही आहे का
जिथं माणूस बनवल्या जातं

-------------------
शशिकांत शांडिले (SD), नागपूर
दि.०२/०१/२०१५
भ्र. ९९७५९९५४५०