==* रात्र माझी एकटी *==

[SHASHIKANT SHANDILE]

रात्र माझी एकटी
मी एकटा रात्रीचा
काळाकुट्ट अंधार
रोजच्या रात्रीचा

विचारांचा थैमान
एकटेपणाने हैराण
कोण संग सोबती
मोकळं सारं रान

या कळी त्या कळी
कळ पलटत किती
विचार सरता सरेना
रात्र सरून जाती

जेवलो तरी जेवणात
समाधानहि मिळेना
प्रेमाने भरवाया आता
कोणते हातहि वळेना

रात्र माझी एकटी हि
माझ्यासंगीच जगली
मिठीत घेऊन आजही
माझीच रात्र निजली
-----------
शशिकांत शांडीले (SD), नागपूर
भ्र. ९९७५९९५४५०
दि. ०८/०१/२०१६