जन्म कशाला

[विक्रांत]

जगणे  काय जन्म कशाला
प्रश्न उगाच पुन्हा पडला

अस्तित्वाच्या या धाग्याला 
जुनाच ताण थोडा बसला

नावाचीच पाटी होती
काही शब्द पाटीवरती

कोण कुठूनी कधी आला
खबरही नव्हती कुणाला

माझ्यात हा नवीन मजला
कुणी पोसला का कशाला 

कुणाकुणास कळल्या वाचुनि   
तण उगा का आले वाढुनि

एक वन्ही आतून फुटावा 
जगण्याचा या यज्ञचि व्हावा

हवा प्रयत्न थोडा धीर
इथे नसतो कधीच उशीर


विक्रांत प्रभाकर
http://kavitesathikavita.blogspot.in/