नाम घ्यावे

[विक्रांत]

अरे नाम घ्यावे ।अरे नाम द्यावे ।जगाशी सांगावे । ओरडून ।।
नामाचा याचक ।येताच दाराला । अवघे तयाला । दान द्यावे ।।
प्रियकर नाम । सुखकर नाम । शुभंकर नाम ।  आवडीचे ।।
नामातून वाटा । नामाच्या फुटती । घेवुनिया जाती । प्रभूदारी।।
एकच ते नाम ।देव वेगाळले ।जरी का वाटले ।अर्चकाला।।
नामाचा संकल्प । मनी उगवला । जन्म उजळला। त्याचा आज ।।
तो माझा सोबती ।मैतर जीवाचा ।घडावा तयाचा ।संग सदा ।।

विक्रांत प्रभाकर
http://kavitesathikavita.blogspot.in