==* आज अचानक *==

[SHASHIKANT SHANDILE]

आज अचानक काय झाले
अनोडखेसे कोण मिळाले
स्वप्न उराशी नवेच बांधून
मन हे माझे बघा उडाले

चांदण्यांचे रूप जणू ते
मनात येऊन वसले
बघता बघता असे कसे
मन हे जोराने हसले

प्रेमाची हि किमया म्हणू
कि माझे काही चुकले
हव्या हव्याशा सुखाला
मन का हे होते मुकले

काही कळेना मनही वळेना
प्रेमरोग हे कसले
नवीन भरारी घेई मन हे
मन कसे हे फसले
-----------
शशिकांत शांडीले (SD), नागपूर
भ्र. ९९७५९९५४५०
दि.१३/०१/२०१६