==* घात *==

[SHASHIKANT SHANDILE]

माणसाने माणसाचा घात केला
स्वार्थाने कसला अपघात झाला
मारू लागला माणूस माणसाला
मानुसपणाचाच वैताग आला

कुणाचे कुणाशी अडले म्हणून
बघा पायखेच खेळ सुरु झाला
बोलूच नये सार्वजनिक कधी
सत्यानेच सत्याचा घोळ झाला

जगभराचे पाप मनी साठवून
खरा खोटा सारखाच दिखावा
कुत्र्यागत वर्चस्वाची भांडणं
बळी पडले स्वार्थी वर्चस्वाला

दोन वेळच्या खाल्ल्याने भागेना
इथे पैसाही खायचा पान झाला
वाढवून वाढवून व्यर्थचेच खर्च
भागवाया माणूस राक्षस झाला

भागवाया माणूस राक्षस झाला
------------------
शशिकांत शांडिले (SD), नागपूर
भ्र. ९९७५९९५४५०
दि. २२/०१/२०१६