असा हा भारत माझा देश...

[Mayur Dhobale]

विभिन्न जाती, विभिन्न धर्म ...
विभिन्न भाषा अन् विभिन्न वेश...
तरी छाती फुगते सांगतांना,
असा हा भारत माझा देश.....

त्याग, बलीदान अन् देशभक्ती ,
दर्शवितो केशरी रंग...
शांती प्रेमाच्या प्रचारार्थ,
साधु संतही पांढऱ्या वेशी दंग ...
हिरवळीत लपुनी भारत,
देई  एकात्मतेचा संदेश ....
छाती फुगते सांगतांना ,
असा हा भारत माझा देश.....

मान मर्यादा वडिलोपार्जीत,
अनमोल इथली संस्कृती ...
क्षणीक सुखापायी कधी,
बिघडणार नाही इथली निती....
इथं देशाखातीर जगण्याचा देतो,
हरएक स्वतः च स्वतः ला आदेश ....
छाती फुगते सांगतांना ,
असा हा भारत माझा देश.....

का घेऊन बसलाय स्वर्ग ?
स्वर्गाहुनही सुंदर माझ राष्ट्र ...
देशभक्तीच देवाची भक्ती ,
म्हणून सारेच करतात काबाड कष्ट ....
रक्तातच भिनली देशसेवा,
मग बाकी सार भक्तांसाठी शेष.....
छाती फुगते सांगतांना ,
असा हा भारत माझा देश.....

        -  मयुर ढोबळे https://www.facebook.com/Mazi-kavita-1505223896380307/)