तुझी आठवण तेवढी घेऊन जा

[Vinod Thorat]

तुझी आठवण तेवढी घेऊन जा

तू गेलीस
तुझी आठवण मात्र तशीच ठेवून गेलीस मागे
माझ्या हृदयावर कोरलेली
एखाद्या शिलालेखासारखी
अगदी खोलवर कुठेतरी
तू परत येशील हि अपेक्षाही नाही आता
फक्त एवढंच कर
जमलंच तर एकदा येऊन जा
तुझी आठवण तेवढी घेऊन जा..

तुझी आठवण न काढायचा प्रयत्न केला तरी
उफाळून येते कधीतरी
पृथ्वीच्या पोटातील लाव्हासारखी
तुझा एखादा फोटो पाहून
तुझ आवडत गाणं ऐकून
अन आपल्या नेहमीच्या ठिकाणी जाऊन
जिथे घेतला होता तुझा हात हाती
माझ्या डोळ्यातल्या अश्रुंसाठी एवढंच कर
जमलंच तर एकदा येऊन जा
तुझी आठवण तेवढी घेऊन जा..

तुझ्या आठवणीने आताशा रडतही नाही मी
तुझ्या जाण्याचं दुःख पचवूनही टाकलंय मी
पण अश्रूंचा बांध कधी लोकांसमोर फुटायला नको
माझं प्रेम जगासमोर उघड पडायला नको
अन माझ्यामुळे तू बदनाम व्हायला नको
म्हणूनच सांगतो
जमलंच तर एकदा येऊन जा
तुझी आठवण तेवढी घेऊन जा..

- विनोद थोरात, जुन्नर
मोबा. 8983448219