मी कशाला म्हणू देवा ..!

[Rajesh khakre]

मी कशाला म्हणू देवा
माझं तु भलं कर
वाटत असेल तुला काही
तुच काय ते बघ

मला तुझ्या हेतूवरती
नाहीच कधी शंका
म्हणून वाजवितो देवा
तुझ्याच नावाचा डंका

जीवनी या गरज जशी
तसे तु मला देतो
तक्रार नाही देवा माझी
तुझेच प्रेम स्मरतो

कधी कधी देवा मात्र
मीच कमी पडतो
खेद होतो मनी मला
मनात नुसता रडतो

माझं न् तुझं नातं देवा
एवढं घट्ट असावं
काही बुरं झालं माझं
तुलाच वाईट वाटावं
©राजेश खाकरे
Mo.7875438494
rajesh.khakre@gmail.com
( कविताचोरीचे वाढते प्रमाण बघता हल्ली जास्त प्रमाणात माझ्या कविता मी इकडे पोस्ट करत नाही.त्यामुळे ज्यांना माझ्या कविता नियमित image format मध्ये वाचायच्या असतील त्यांनी whatsapp वर विनंती पाठवावी.