तरंग

[पल्लवी कुंभार]

होता निवांत क्षण
राजा राणीच्या संसाराची
सरली चाळीस वर्ष
तसा पिंपळही झाला जीर्ण
आली हळूच झुळूक
त्याची उंचावता भुवई
मनी रेंगाळला प्रश्न
कशी गेली इतकाच भाव
ज्यास होते दोन अर्थ
झुळूक की वर्ष ?
जाणूनी मनीचा हर्ष
मिसळले नयनात नयन
होता संध्यासमय
नदीतही उमटले तरंग
पसरली अंबरी लाली
सुखात गेली
उत्तरली गार्गीपरी पटराणी
क्षणात मिसळली
ही लाली तरंगात...

~ पल्लवी कुंभार