अजूनही धुके दाटलेले

[पल्लवी कुंभार]

अजूनही धुके दाटलेले
गुलाब पाकळ्यापरी
ओठ रंगलले

अजूनही धुके दाटलेले
दोलायमान कटीसह
हाती कंगण किणकीणे

अजूनही धुके दाटलेले
दरवळे सुवासी मोगरा
माझे रणरण रोमांचलेले

अजूनही धुके दाटलेले
झुलता रेशमी रुमाल
अत्तरी गंध दरवळे

अजूनही धुके दाटलेले
पैजणांच्या रुणझुणत्या नादांसवे
तिचे शृंगारी रूप नटलेले

अजूनही धुके दाटलेले
तिच्या एका कटाक्षासाठी
अंतरंगात काहूर माजलेले

अजूनही धुके दाटलेले
तिच्या एका होकाराने
माझे जग वेडावले

शिंपल्यातील मोत्यापरी
पानावरी दवबिंदू ओथंबलेले

~पल्लवी कुंभार