प्रवास

[smadye]

प्रवास

माझा असा एक प्रवास
तेथे स्वताचा स्वताशी सहवास
माझे माझ्याशी बोलणे
क्षणात झुरणे क्षणात गुदगुल्या होणे

अशावेळी मी असतो फक्त माझा
इतर कोणाचा सहवास वाटे नकोसा
करितो मी माझ्या गुणांची वजाबाकी
शोधितो मी कुठे आहे का थकबाकी

विचारांचा माझ्या आहे गलबला
जीवनातल्या उणिवांची जाणीव मला
पुढे काय करावे याचे करीत चिंतन
माझ्यातील गुणदोषांचे मी करितो मंथन

माझा हा प्रवास माझा मित्र
पुढील आयुष्याचे दावेल सूत्र
वाट चालताना नवीन वाट गवसावी
येणाऱ्या क्षणाची कोडी सुटावी

                       सौ सुप्रिया समीर मडये