माझा राजा...!

[Rajesh khakre]

झाले असतील कितीक राजे शिवबासारखा झाला नाही
गेली अनेक शतके उलटून हॄदयातून उतरला नाही

स्वराज्य निर्माता माझा राजा धर्माचा पालक खरा
धर्मविध्वसंक नराधमांना पाठविले ते यमसदना
भीती मनातील गनीमांच्या अजूनही कमी झाली नाही
झाले असतील कितीक राजे शिवबासारखा झाला नाही

तळपली तलवार जेव्हा उर शत्रुंचा चा कापून उठला
बलाढ्य अफजल खानाचा कोथळा बाहेर पडला
बोटे छाटता शाहिस्तेखान पुन्हा परत आलाच नाही
झाले असतील कितीक राजे शिवबासारखा झाला नाही

"स्वराज्य व्हावे ही श्री ची इच्छा" शिरसावंद्य मानली
निर्मिले स्वराज्य भूवरी जे दीपस्तंभ या जगी
मुजरा करण्या मान आमची तुमच्यासमोर नम्र होई
झाले असतील कितीक राजे शिवबासारखा झाला नाही
©राजेश खाकरे
Mo.7875438494
rajesh.khakre@gmail.com

* कवितेखालील नाव काढून कविता फॉरवर्ड करु नये