सखी

[beyond_infinity]

सखी गोजिरी गोजिरी चंद्राहुन साजिरी
ऐन अवसेच्या राती जशी पुनव ही दारी

जशी पुनव ही दारी उभी राहे तो-यात
सखी आली अंगणात चांद लपला ढगात

चांद लपला ढगात चांदण्यांचा लखलखाट
सखी बसुन उंब-यात पाहे साजणाची वाट

पाहे साजणाची वाट आस मिठीत घेण्याची
सखी वेडावुन जाई वारा खेळे पदराशी

वारा खेळे पदराशी अंग मोहरुन जाई
सखी बावरी होताना चांद हळुच पाही

चांद हळुच पाही वेड्या सखीची घालमेल
साजण येता अंगणात सखी मिठीत शिरेल..
साजण येता अंगणात सखी मिठीत शिरेल......

अनंता पल्याड | ३१ जानेवारी २०१६

[BHALGAT AKSHAY]

va .. chan ... avadali kavita !!!