मराठी भाषा

[शिवाजी सांगळे]

मराठी भाषा

उद्धारीली ज्ञानदेवे जगती
मायबोली मराठी भाषा,
अमृताची घेउन ती गोडी
जगी वाढेल मराठी भाषा !

विपुल साहित्य, शोध निबंध
लाविते नित्य मराठी भाषा, 
सहज गम्य सामान्यां उमगे
शुर मर्दांची मराठी भाषा !

अज्ञान तिमिरा दूर करूनी
ज्योती तेवते मराठी भाषा,
ज्ञानवर्धिनी परी परखड
तरी मायाळु मराठी भाषा !

शान महाराष्ट्रीय मनाची
बहु प्रसव मराठी भाषा,
राजभाषा दिनी गाउ गाणी
माय आमुची मराठी भाषा !

© शिवाजी सांगळे 🎭