♥ बाप नावाचा देव ♥

[Manish H.Sase]

बाप नावाचा देव

लहानपणी बापाने
हात धरुन शिकवलं
प्रत्येक हट्टाला त्यांनी
कष्ट करुन पुरवलं
बाप नावाच्या देवाला
आपण नाही ओळखलं

शिकुन मोठ व्हाव म्हणून
बालवाड़ी ते डीग्री
हवा तो पैसा पुरवला
स्वतः फाटकी चप्पल घालून
आपल्याला  शिकवलं
बाप नावाच्या देवाला
आपण नाही ओळखलं

भांडण आपलं झालं
तर बाबाच पुढे सरसावला
प्रत्येक चुकीला माफ करुन
संस्कारांचा काढा पाजला
अर्धपोटी राहून
आम्हाला मोठ्ठ केलं
बाप नावाच्या देवाला
आपण नाही ओळखलं

मुलीच्या सुखासाठी
तीच्या सासरच्यांना
कमी काही पडेल म्हणून
घर ही गहाण टाकलं
कर्जात बुडून ही त्यांनी
मुलीला सुख दिलं
बाप नावाच्या देवाला
आपण नाही ओळखलं

प्रत्येकाच्या स्वप्नांचा
होयबा होऊन राहीला
समाजातल्या संस्कृतीचा
निर्मिक तो जाहला
पोरांसाठी त्यानं
जीवाचं रान केलं
बाप नावाच्या देवाला
आपण नाही ओळखलं

संकट आल मोठं
तेव्हा "अरे बाप रे" !
हाच उद्गार काढला
मोठ मोठ्या संकटांना
मग बापच पुरे पडला
नवस न करताच
वरदान त्यानं दिलं
बाप नावाच्या देवाला
आपण नाही ओळखलं

आपल्या कुटुंबाचा
आधारस्तंभ झाला
जगाला तोंड देतांना
पेटता निखारा जाहला.
आपल्या कल्याणासाठी
वाटेल ते केलं
बाप नावाच्या देवाला
आपण नाही ओळखलं

       ( एक विद्यार्थी )
                       शब्द - --- - मनिष सासे

( ८५५४९०७१७६ )
( ९२०९२५००९२ )

मु. किन्हवली
ता. शहापुर
जि. ठाणे