वास्तव

[Dnyaneshwar Musale]

हाफस हाफस हाफसून
पाणी नाय आलं थाळ्यात
एक एक आना का नाय
सलत  भ्रष्टाचारांच्या गळ्यात

दिवस रात राब राब राबुन
सोन्यासारखं  पिकं पिकलं
ऐन काढणीच्या काळात
मात्र बाजारभाव रोखलं.

कधी येतो उन्हाळा तर
कधी पावसाळा जोरात
उभं पिकं झोपतं
कळ येती रे उरात.

पैका पैका साठून
जिव अडकीवतो उसाच्या रोपात
बिन साखरेचा चहा मात्र
शेतकऱ्याच्याच कपात.

शिकुन साकुन पोरं
करावं म्हटलं मोठी
तीळ तीळ तुटतो
भरवताना   पोटभर रोटी.

पिकवुन पिकवुन माल
काय येतं हातात
पोसवितो  समद्यांना
जरी शेती नसली नफ्यात.