ऋतूचक्र

[yallappa.kokane]

ऋतूचक्र

कुठे कधीही पडतो पाऊस
कसेही वाहतात वादळ वारे।।
बदलत आहे मानवा सम
ऋतूचक्र हे निसर्गाचे सारे।।१।।

गारपिटीनेे नष्ट होते शेती
रात्रं दिवस जागून कसलेली।।
मावळते आस असलेली ती
फार दिवस मनात जपलेली।।२।।

जाता कष्ट वाया शेतकर्‍याचे
असते कुठे तेव्हा सरकार?
जाहीर मदतीत त्या शासनाच्या
राजकारणी करतात फेरफार।।३।।

जीवनदाता पाऊस पडणारा
बरसतो अवेळी क्रूर होऊन।।
मानवा, रोपट्याचा वृक्ष करून
घे नाते निसर्गाशी जुळवून।४।।

सुखासाठी केल्या अनेक कृती
फाटते बघ कधीही आभाळ।।
भानावर यावेस माणसा तू
लेकरापरी कर निसर्ग सांभाळ ।।५।।

यल्लप्पा सटवाजी कोकणे
१० मार्च २०१६

९८९२५६७२६४