अघटित असे घडतांना पाहिले मी ं

[Vikas Vilas Deo]

अघटित असे घडतांना पाहिले मी
माणसाला माणुसकी सोडतांना पहिले मी

प्राणी राखतात मालाकाशी इमानी
माणसाला पशुप्रमाणे वागतांना पाहिले मी

पैशाच देव असतो, ऐकले होते
पैशासाठी जन्मदात्यांना विकतांना पाहिले मी

दुनिया झाली आहे कुटारखाना
यात माणसाने माणसाला ओरबाडून जगतांना पाहिले मी

वनव्यासारखा मी जळतो का असा ?
पिश्यासारखा मी प्रेम करतो का असा ?

पाण्यावाचून तडफडणार्‍या माश्यासम
तुझ्यावाचुणी मी तडफडतो का असा ?

मृगजळ आहे तुझे भेटणे
तरी मृगप्रमाणे भटकतो का असा ?

तू मागे नाही माहीत असतांनाही
मागे वळून-वळून बघतो का असा ?

तू परतून येणार नसतांनाही
चातकप्रमाणे मी वाट पाहतो का असा ?

ठरविल होत विसरायचे तुला
आठवण तुझी पुन्हा-पुन्हा काढतो का असा ?