मी एकलाच इथे

[Anil S.Raut]

:÷:÷:÷:÷:÷ मी एकलाच इथे :÷:÷:÷:÷:

जमला सारा गोतावळा,मी एकलाच इथे
चाललो दूर प्रवासाला..मी एकलाच इथे!

लुटलो किती?कुणासाठी?हिशोब ना केला
तरीही पुरुन उरलो,मी एकलाच इथे!

दुबळे होते हात माझे,घेण्या कुणाचे काही
दातृत्वात आघाडीवर मी एकलाच इथे!

रडू नका लबाडांनो आज धाय मोकलून
ते सत्य तुमचे जाणतो..मी एकलाच इथे!

त्या अश्रुंचेही ऋण करणार वसूल तुम्ही
तरीही नाते निभावतो,मी एकलाच इथे!

उरका पटपट अन् व्हा मोकळे जेवाया
दूर एकांती जळणार,मी एकलाच इथे!

कमवली दौलत ज्यांनी त्यांचाच तुम्हा लळा
कवित्वाने धनवान,तो मी एकलाच इथे!

            © अनिल सा.राऊत
             📱 9890884228