रंग सोहळा

[vijaya kelkar]

      रंग सोहळा

      भरला ग सखी मेळा
      रंगला रंग सोहळा
   
      लाल जास्वंद हळवी
      पाने पिवळी हिरवी
     
      गोरी गोमटी तगर
     ल्याली मोती अंगभर

     काटे-कोरांटी सोनेरी
     झाली अबोली बावरी

     शेला पळस फुलांचा
     सडा गुलामोहरांचा

    संध्या गंधाळ खट्याळ
    बट मोगरी बकुळ

    निळी गोकर्ण झोपली
    हसू मधाळ कपोली

    झुपकेदार मालती
    रंग छटा बदलती

    शुभ्र कमळी भ्रमर
    आम्र कुसुमी गुंजार(व)

    भुंगा पिंगा घालतांना
    चुंगा घुगा डोलातांना

    भांग चढे सुमनास
   रंग भरला खेळास .......


            विजया केळकर ------
 
   

[शिवाजी सांगळे]

वा, फारच सुरेख....

याच विषयाची एक जुनी कविता पहाल....
पुष्प छंद...

केवडयाचा गंध 
केव्ह्ढासा संग?
दरवळे अंग अंग !

रंगात वैविध्य
गुलाबाचा सुगंध
काटयांशी संग !

मोगरा शुभ्रांग
मोकळ्यात मंद
गजऱ्यात बेधुंद !

पितकेशरी रंग
पाकळीत कंद
झेंडू देई आनंद !

त्रीरंग विविध
नित्य जास्वंद
देव्ह्राऱ्यात दंग !

पाहताच आनंद
चाफा सोनरंग
मंद स्वर्गीय गंध !
©शिवाजी सांगळे🎭
Iter Kavita, July 17, 2014 at 12:41:53 PM

[vijaya kelkar]

अरे व्वा ...खूपच छान आहे ही कविता ,आणि धन्यवाद.

[शिवाजी सांगळे]

खुप आभार, काही तांत्रिक बाबी मुळे प्रतिसाद देण्यास विलंब झाला त्या बद्ल क्षमस्व.