भिंती

[पल्लवी कुंभार]

स्वप्न घराचे
छोटे का असेना
आपल्या हक्काचे
उभारतो कष्टाने
चार भिंतींना जोडणारे
तरीही
भिंती जातीच्या
भिंती धर्माच्या
भिंती रंगांच्या
भिंती विभक्त नात्यांच्या
भिंतींना भाव शेजारधर्माचा
भिंतींचा भाव उंचीचा
भिंती मातीच्या
मातीला जागणाऱ्या
भिंती काचेच्या
मनाला तडा गेलेल्या
भिंती साक्ष भक्तीच्या
भिंती साक्ष न्यायाच्या
भिंती साक्ष बालपणाच्या
भिंती साक्ष विद्येच्या
भिंती वितभर कुंपणाच्या
तुझं-माझं म्हणत
कागदोपत्री वाटलेल्या
कुठे भिंती तंत्रज्ञानाच्या
जगभर माणसे जोडणाऱ्या
भिंतींच्या भूलभुलैयात
माणूस हरवलाय
न सुटणाऱ्या कोड्यात
कुठेतरी भांबावलाय
तरीही
जोडतोय भिंती
सुसंवाद, चर्चा, सामंजस्याने
कारण जाणतोय एवढेच
वसुधैव कुटुंबकम असण्याचे

~ पल्लवी कुंभार