प्रेमाचा शेवट

[Anil S.Raut]

::::: प्रेमाचा शेवट :::::

नभातल्या सोडुन तारका नभी,मी चंद्र होऊन आलो
चांदणस्पर्शाने मोहोरली तू अन् मी शहारुन आलो!

इथे तिथे काय पाहतेस हृदयात बघ डोकावून
गर्दगुहा ती अंधारी मी सखे केव्हाचा उजळून आलो!

बहाणे लाख कर तू प्रेम नसल्याचे मजवरी आता
नजर मध्यस्थ झाली अन् जीव जीवास लावून आलो!

धडकणे हृदयाचे तुझ्या श्वासागणिक वाढते आहे
हवाहवासा एक अंगार अंतरी मी चेतवून आलो!

काय भरोसा कधी बदलेल दिशा हवेची अचानक?
जा वाहत कुठेही,प्रेमकण मी हवेत पेरुन आलो!

अमर तसे काही नाही इथे या नाशिवंत दुनियेत
प्रेमाचा तोही शेवट उघड्या डोळ्यांनी मी पाहून आलो!

          ✒अनिल सा.राऊत
             📱9890884228