आई मला जगायचंय गं

[meenakshi mali]

आई तुझ्या उदरात मी
मला जगायचंय गं
तुझ्या अंगणी मला
बागडायचंय गं
तू तलवार हो मी
तुझ्या तलवारीची
धार होईन गं
जिवनाचा तुझ्या हा लढा
मी तुझी ढाल बनेन गं
आई मला जगायचंय गं
तुझ्या कुशीत निजायचंय गं
भातुकलीचा खेळ खेळायचा गं
कुशीतली ऊब तुझ्या
मला पांघरायचीय गं
चिमुकल्या हातांनी तुला
मला घास भरवायचाय गं
तुझं हरवलेलं अस्तित्व
मी परत मिळवून देईन गं
तुझ्या आसवांना पुसेन गं
तुझे नाव मी काढीन
व्यर्थ चिंता तू करु नकोस गं
मी येतेय आता
ऊदरातुनी तुझ्या
वाट माझी  कुणाला
अडवू देऊ नकोस गं
आई मला जगायचंय ग
तुझ्या कुशीत फुलायचं गं.......

-Meenakshi