टिचभर पोटासाठी तू

[meenakshi mali]

पूर्वीसारखं आता काही नाही राहीलं
ऊन पाऊस वारा यांच्याशीही नातं तुटलं
पूर्वी तू यायचीस धावत पळत
कधी तळपत्या उन्हातून तर
कधी मुसळधार पावसातून
मी वाट पहात बसायची खिडकीतून
तुझ्यासाठी चहा तयार ठेऊन
टिचभर पोटासाठी तू पळत रहायचीस
अन् आतल्या आत कुढत रहायचीस
पूर्वीसारखं काहीत नाही राहीलं
नातीही कुठल्या कुठं
कापडासारखीच विरत गेली
काळजाला आता ठिगळं लागली
मोठीला मोठी म्हणून न् बारक्याला बारकं
म्हणून तू सोडून दयायचीस
मला मात्र चोपुन काढायचीस
निदान तेवढयानं तरी तुझा
मला स्पर्श व्हायचा
जो मला हवाहवासा वाटायचा
शेवगा पाहीलं की आपसुकच
डोळ्यासमोर तू येती
डोळयात आभाळ दाटतं
तू चिडायचीस माझ्यावर
मी जेवत नाही म्हणून
रूसून मी जेवण बंद करायची
आजही माझी सवय तशीच राहीली
तू मात्र केव्हाच निघून गेली
आठवणींचा डोंगर माझा
ऊशाशी ठेऊन गेली
अन् जाता जाता
तुझ्या दुःखाची सावलीच मला करून गेली....

-Meenakshi