संघर्ष

[meenakshi mali]

संघर्ष अजूनही करते मी
कितीही संकटं आली
तरी लढतेय
चूकून एकदा मुलाला
बोलून गेले
कर्ज बाळा झालेय रे
कुणीच नाही आपले उरले रे
मरायचं का आपण ?
एवढसं पिलू पटकन
म्हणालं मला अजुन जग पहायचंय
खुप शिकायचंय मोठ व्हायचंय
क्षणात भानावर आले
नी पिलाला कवटाळले
अजूनही संघर्ष करतेय
लढा हा जिंकायचाय
पिलासाठी आता मला जगायचंय
ग्रीष्माच्या तप्त लोहात भाजतेय
रोज नवं संकट पुढ्यात ठाकतंय
तरी मन आता कुठं हार मानतंय
चिमुरडयाला माझ्या जग दाखवायचंय
त्याच्यासाठी मला जगायचंय
येऊ दया किती वादळं आता
त्यांनाच माघारी परतवायचंय
अजूनही संघर्ष करतेय
रात्र नी रात्र जागीच रहातेय
काळजीनं पोराच्या हृदय फाटलेय
ठिगळ लावायलाही काही नाही उरलेय
पैसा महत्त्वाचा किती कुणाला हे उमगलेय
आपुलकीचे झरे आता आटू लागलेय
संघर्ष जीवनात अजूनही करतेय
बालपणापासूनचे आत्ता पर्यंतचे
दिवस त्यातच गेले
काही होवो तिकडे आता जगणे नाही सोडायचे
आत्महत्तेच्या वाटेकडं मला
पुन्हा नाही परतायचेय ....
पिलासाठी माझ्या मला जगायचेय
उत्तुंग आकाशाला शिवायचंय......

-Meenakshi